PaperLab тәлімгерлік жобасының нәтижелері

08.12.2021 НОВОСТИ
Зерттеулер мен талқылауларды жүргізумен қатар, PaperLab командасы жас зерттеушілердің әлеуетін дамытумен белсенді түрде айналысады. 2021 жылдың сәуірінде осы мақсатта Назарбаев Университетінің бакалавр мен магистратура студенттері іріктеліп алынған тәлімгерлік бағдарламасы іске қосылды.
Университетте оқу жылы бойы студенттер жоғары сапалы академиялық мақалаларды көп жинайды, бірақ олар еш жерде жарияланбайды. Осыны түсінген PaperLab оларға танымал аналитикалық медиа платформаларға жол табуға және жұмыстарын жариялауға көмектесу керек деп шешті. Команданың осы бастамасы қажетті ресурстар мен ынталандыруды қамтамасыз етіп қана қоймайды, сонымен қатар Орталық Азиядағы аналитикалық өрісті аймақтың жаңадан шыққан зерттеушілерінің жаңа көзқарасымен қанықтыруға көмектеседі.

Серіктестермен байланыса отырып, PaperLab бастамаға қолдау тапты, сонымен қатар бағдарламаның болашақ тәлімгерлері болды.

Іріктелген қатысушылар үшін тәлімгерлер анықталды: Paperlab зерттеу орталығының сарапшылары – Малика Токмади, Серік Бейсембаев, Камила Ковязина, The Oxus Society for Central Asian Affairs президенті Эдвард Лемон және CABAR.asia сарапшысы Наргиза Мураталиева.

Олар зерттеу жүргізуге және жазу дағдыларын жетілдіруге көмектесті, қатысушыларды Орталық Азия туралы жетекші аналитикалық платформаларда өз жұмыстарын жариялау үшін қажетті біліммен қамтамасыз етті. Бағдарламаның негізгі міндеті зерттеулер мен мақалалар сияқты дайын өнімді алу ғана емес, тәжірибе жинақтау арқылы зерттеушілердің әлеуетін сарапшылыққа айналдыру болды.

Бағдарлама нәтижесінде The Oxus Society және CABAR.asia платформаларында Қазақстандағы спорттан бастап декоммунизация тақырыбынан дейін жүргізілген зерттеулерге негізделген бес мақала жарияланды. Мақала авторлары өз тақырыптарын терең түсініп, өз жұмыстарында дәлелдерді ұсына білді.

РАССЫЛКА